|  Share on Digg! | Share on Facebook | Tell your friend | RSS
Link:

تحذير لكل مصري خارج مصر - لا تسمع و لا تشاهد هذه الأغنية

أغنية الحدود - فرقة الأصدقاء حنان منى عبد الغني علاء عبد الخالق فرقة لذيذة كان عاملها عمار الشريعي و عملوا تلات البومات في تلات سنين الأغنية دي من أشهر اغانيهم أغنية تشد أعصابك و توقف الدم في العروق كنت باسمعها أيام الغربة في الدمام و أعيط لغاية ما قلبي يتقطع و نفسي يروح كان نفسي أشوف سبت مدلدل من بلكونة متعلق فيها ربطة توم كان نفسي أشوف عربية فول و الناس ملمومة حواليها كان نفسي أشوف بياع سريح بينادي حمرا يا قوطة منه لله الفيروس القاتل اللي المصريين كلهم ربنا ابتلاهم بيه بس و العياذ بالله ده بيدمر خلايا المخ و ممكن يموتك كمان حاجة في الجينات الوراثية للمصريين اسمها حب مصر أنا شخصياً في المراحل المتأخرة و الدكاترة قالوا HOPELESS CASE الغريبة إني مبسوط و مش عايز أخف بقيت عامل زي المدمنين ألعن المخدرات و أنا مقدرش استغنى عنها أنا بقى لو ما أخدتش الجرعة اليومية من الدوشة و الزحمة و ريحة عادم الأتوبيسات و قراية الجرنال مع سندوتش الطعمية و كباية الشاي على المكتب في الشركة - ممكن تيجي لي حالة اكتئاب نفسي و ساعات نوبة هرش مش بقول لكم إدمان الأغنية دي من الحاجات اللي شهرت البروفايل القديم بتاعي الله يرحمه - و خلت الناس كلها تحب تشوف الجديد اللي عندي معلش بقى الناس الحلوين قفلوا البروفايل بتاعي هناك لكن برضه مش هازعل الناس مني